ПРАДМОВА (PRADMOVA)
Каля трох гадзін ночы, у маю маладую і яшчэ не зусім сталую галаву, прыйшла думка пачаць пісаць гэтую складанку на беларускай мове. Здавалася б, а што тут такога? Тэндэнцыя выкарыстоўваць родную мову, ды і тым больш у такі надзвычай неспакойны час, прадстаўнікам нашага народа і карыстальнікам беларускай мовы хочацца паказаць сваю прыналежнасць і незалежнасць ад шаблонаў дадзеных нам з боку грамадства, што не прызнае да канца нашай культуры і свайго асобнага і асаблівага быцця. Жыхары Беларусі, як і самі беларусы не выкарыстоўваюць роднай мовы, але ў глыбіні душ мільёнаў, гэтая мова жыве і ўжываецца з маскальскай (рускай) ці іншымі мовамі. Гэты зборнік я хачу прысвяціць сваім сябрам, знаёмым, блізкім і людзям, што калі-небудзь возьмуць яго ў рукі і будуць чытаць. Галоўнае, каб мова не памірала.
Гэты зборнік я таксама хачу прысвяціць свайму памерламу пасля пераследу з боку ўладаў рэжыму Лукашэнкі, сябру Дзмітрыю Стахоўскаму і ўсім беларусам пацярпелым ад рукі рэжыму, што бессаромна і злачынна ўтрымлівае ўладу ў краіне і беспакарана прымяняе меры несправядлівасці да жыхароў Беларусі і любых нязгодных з рэжымам.
ЖЫВЕ БЕЛАРУСЬ І СЛАВА УКРАІНЕ!
Kalia troch hadzin nočy, u maju maladuju i jašče nie zusim staluju halavu, pryjšla dumka pačać pisać hetuju skladanku na bielaruskaj movie. Zdavalasia b, a što tut takoha? Tendencyja vykarystoŭvać rodnuju movu, dy i tym boĺš u taki nadzvyčaj niespakojny čas, pradstaŭnikam našaha naroda i karystaĺnikam bielaruskaj movy chočacca pakazać svaju prynaliežnasć i niezaliežnasć ad šablonaŭ dadzienych nam z boku hramadstva, što nie pryznaje da kanca našaj kuĺtury i svajho asobnaha i asablivaha byccia. Žychary Bielarusi, jak i sami bielarusy nie vykarystoŭvajuć rodnaj movy, alie ŭ hlybini duš miĺjonaŭ, hetaja mova žyvie i ŭžyvajecca z maskoŭskaj (ruskaj) ci inšymi inšymi movami. Hety zbornik ja chaču prysviacić svaim siabram, znajomym, blizkim i liudziam, što kali-niebudź voźmuć jaho ŭ ruki i buduć čytać. Haloŭnaje, kab mova nie pamirala.
Hety zbornik ja taksama chaču prysviacić svajmu pamierlamu paslia pierasliedu z boku ŭladaŭ režymu Lukašenki, siabru Dzmitryju Stachoŭskamu i ŭsim bielarusam paciarpielym ad ruki režymu, što biessaromna i zlačynna ŭtrymlivaje ŭladu ŭ krainie i biespakarana prymianiaje miery niespraviadlivasci da žycharoŭ Bielarusi i liubych niazhodnych z režymam.
ŽYVIE BIEŁARUŚ I SLAVA UKRAINIE!